सर्कसचा सिंह

एका सर्कसचा खेळ चालू होता. अगदी शेवटी एका मस्त माजलेल्या सिंहाला रिंगणात आणले गेले. पण त्याला पिंजऱ्याबाहेर काढल्याबरोबर तो हिंसक होऊन दंगामस्ती करू लागला. रिंगमास्तरलाही तो आटपेना! शेवटी रिंगमास्टरने प्रेक्षकांना विनंती केली की, तुमच्यापैकी कुणी धाडसी युवकाने येऊन याला शांत करण्याचे प्रयत्न करावे! थोडा वेळ सर्व शांत राहिले. शेवटी एक युवक उठून उभा राहिला. तो रिंगणात आल्याबरोबर सिंहाने त्याच्यावर झेप घेतली, त्याबरोबर त्या युवकाने प्रयासाने त्याचा कान पकडला व बोलला, ‘‘मला खाल्लेस तरी माझ्याबरोबर माझी बायको आली आहे आणि ती पण रिंगणात येणार आहे.’’ त्याबरोबर सिंह लगेच उलटा फिरून पिंजऱ्याच्या दिशेने चालू लागला.